أريد أكون صديقة للبيئة
أتذكّر حادثة حصلت وأنا كنت أشوفها وأشهد عليها. كنت أزور بلد مو رايحة أذكر اسمه. وكنت في سيارة تاكسي. كان بيه زحمة والناس ينتظرون إشارة المرور. كنت أراقبهم. دوم أحبّ، حين أسافر، أشوف التفاصيل. المهمّ، بيه شخص كان يرمي أوساخ من سيارته للشارع. وأتذكّر إنّه كان بيه في سيارة ثانية شخص ثاني يقول له: لا ترمي النفايات في الشارع، الشارع مو ملكك. والأوّل كان يضحك، يسخر وما يفهم الكلام. أتذكّر الحادثة ديه عشان أنا كمان حسّيت بالانزعاج حين الشخص الأوّل رمى الأوساخ في الشارع. في جدّ بيه ناس ما يدرون إنّه حركاتهم البسيطة ديّة تأذي كل الناس. طبعاً، هيّ تدمر البيئة اللي نعيش بيها بطريقة بطيئة. وكده ومن غير ما نحسّ تحصل الكوارث الطبيعيّة. وبعدين نقول «الحقّ على الطبيعة». لا، الحقّ دوم علينا. هيّ دي الحقيقة اللي ما نقولها بصراحة. دحين مثلاً أشوف تقرير في التلفزيون عن المدن الصديقة للبيئة.
اقرئي: ثقة العملاء ورضاهم أساس النجاح المهني
التقرير خلّاني أتذكّر الحادثة. يسمّونها مدن صديقة للبيئة. ابتدوا في الأوّل يعرضون صور من مدينة Calgary في كندا. ثلج وبرد وكل حاجة. بس هيّ المدينة الأنظف في العالم. طبعاً رايحة تقولين عشان ما بيها كثير سكان. مناظر تهبل. أشوف وما أصدّق. ما بيها سكان؟ صحّ. بس نقدر نخلّي مدينتنا كمان نظيفة. نحتاج نسوّي حاجات بسيطة. يعني نستخدم كل حاجة صديقة للبيئة، حتى مستحضرات الماكياج. ومثلاً حين تروّحين تشترين أي حاجة الأفضل تحملينها بأكياس ورقيّة أو بأكياس قابلة للتدوير. أو أقول لك؟ الأفضل في حقيبة التسوّق. وبعدين مو ضروري تستخدمين الأطباق والأكواب البلاستيكيّة القابلة للرمي. رايحة تسألين: وفي الحفلات إيش نسوّي؟ وأقول لك بيه أطباق من كرتون... أفضل... صديقة للبيئة. دحين يتكلّمون عن مدينة Kobe في اليابان. مو معقول. لكل حاجة حلّ. النفايات وطريقة جمعها والمياه ونظافتها! أيوه، المياه... تريدين تغسلين وجهك مثلاً... لا تخلّين الصنبور دوم مفتوح. ولو تشوفين مشاهد مدينة Minneapolis في أمريكا. كمان صديقة للبيئة. نهر المسيسيبي. بيها كثير سكان. كثير بس يحافظون على بيئتهم. طبعاً ما يرمون النفايات في أيّ مكان.
اقرئي: أتكلّم عن العولمة
لا تسوّين كده. وحتى ملابسك وأكسسوارتك القديمة... تبرّعي بيها لحدّ ثاني. ضروري الرمي في النفايات يكون آخر الحلول. مو صعب تسوّين أشغال يدويّة بأغطية العبوات والعلب. تقدّمينها لجمعيات. لا تضحكين... وإيش الجمال ده؟ يتكلّمون عن Honolulu في هاواي. ما شفت مثل الطبيعة ديه من قبل. مدينة سياحيّة ويقولون: هناك، رياح المحيط الهادئ تذوّب الملوّثات. وقلبي يذوب قدّام المناظر ديه. سياحة وكل حاجة بس... نظيفة. تدرين؟ أريد أروّح لمدينة Adelaide في أستراليا. كمان صديقة وفية للبيئة... مثلي. وحين أروّح هناك واختلاف الضغط في الطائرة يزعجني... العلكة ممنوعة... مو صديقة للبيئة.
DRAWING BY FASHION ILLUSTRATOR ©SHAMEKH BLUWI
