الجمال الداخلي والجمال الخارجي
غريبة حياتنا. تدرين ليش؟ عشان بيه كثير أسئلة الناس يطرحونها من أجيال وقرون... وللحين ما بيه أيّ إجابة عليها. يعني مثل سؤال: «مين قبل؟ البيضة أو الدجاجة؟». لا، أمزح. دحين مثلاً نتكلّم عن الجمال... الداخلي والخارجي. جلسة صديقات وشاي وقهوة وأحاديث عن مواضيع من هنا وهناك. موضة وأكلات... ديّة صحيّة وديّة تخلّي الوزن يزيد. وتبادل نصائح. خبيرة التغذية A أفضل من B والكريم ده يسوّي العجايب والوصفة الطبيعيّة ديّة تخفي التجاعيد... وتعليقات: «في جدّ؟»، «مو معقول»، «روعة»، «جرّبيه ومو رايحة تندمي»... ودحين نتكّلم عن الجمال.
ريا: الناس اللي ما عندهم جمال خارجي همّ اللي يقولون إنّه بيه حاجة إسمها جمال داخلي.
اقرئي: اكتشفي سرّ بيلا حديد الذي يمنحها رموشاً مثالية
حصّة: كيف؟! والأخلاق والطباع الحلوة والمرح والثقافة واللياقة... إيش تسمّين الصفات ديّة؟ مو جمال داخلي؟
أروى: صح. وكمان بيه ناس عندهم جمال خارجي. بس أخلاقهم مو حلوة. وعشان كده ما تحسّين بجمالهم.
ليلى: ما أدري يا بنات. الموضوع ده ما له نهاية... (ريّا تقاطعها كأنّها ما سمعت إيش تقول).
اقرئي: استخدامات غريبة لم تجرّبيها أبداً لخافي الهالات السوداء
ريا: ده يا أروى مجرّد كلام ونظريّات. الجمال هو الجمال. الشعر، العيون، الوجه، القوام... والأناقة تكمّل الإطلالة الجميلة. أوافقك، بيه ناس عندهم صفات حلوة. مثلاً زميلتي شخصيّتها مرّة حلوة. دوم تضحك وتخلّينا نضحك. بس ملامحها مو حلوة. الكل يقول إنّها مو حلوة بس روحها حلوة. يعني يميّزون بين الداخل والخارج. أسمع إيش يقولون وأقول في نفسي إنّه الموضوع مو رايح ينتهي لو تكلّمنا لساعات طويلة. بس كلام ريا يخليني أتكلّم. أنتظر إنّها تنهي جملتها وأقول: «ريّا زميلتك حلوة... عشان كده تحبّينها. وما تقدرين تقولين إنّها مو حلوة من الخارج. ما تقدرين تفصلين بين الجمالين.
اقرئي: تركيبة استثنائيّة لبشرة أكثر إشراقاً… ما هو السر؟
عندها انفصام يعني؟ (يضحكون) مو معقول! تقولين إنّها تحبّ المرح ودوم تهرّج. يعني دوم تبتسم. والابتسامة مثل ريشة ترسم الألوان على لوحة رسمها فنان بالأبيض والأسود. الريشة ديه هي الجمال الداخلي. وبعدين إيش الجمال الخارجي؟ دحين ما بيه امرأة مو حلوة... بوتوكس وفيلر ونفخ شفاه وتكبير خدود وتبييض أسنان ووشم حواجب ورموش اصطناعيّة وعدسات عيون بالألوان... طب أريد أقول لكم حاجة. أمس قرأت عن تيّار فنّي يحكي عن جمال القبح. مثلاً حين الرسام يرسم إمرأة شكلها مو حلو في لوحة تهبل يتكلّمون عنها في كل العصور. أدري رايحين تقولون إنّه الفنانات وعارضات الأزياء والمذيعات والممثّلات كلهم عندهم جمال خارجي. وأنا أقول صح عشان تشوفونهم من بعيد. بس أريد أسأل: لو التقيتم فنانة أو مذيعة مثلاً وحسّيتم إنّها متكبّرة. إيش تقولون؟ سؤال مهمّ صح؟ (يسكتون).
DRAWING BY FASHION ILLUSTRATOR ©SHAMEKH BLUWI
