سبق الرؤية... إيش يعني؟
بس لحظة... «لا، مو وهم ولا خيال». أجلس ويّا صديقاتي. وأقول الكلام ده لصديقتي ريّا. في لحظة ومن غير مقدّمات حسّيت إنّه بيه حاجة حصلت وكأنّها تتكرّر. أقصد حسّيت إنّها حصلت في مرّة سابقة. كنت أشرب القهوة وأنا دوم أشربها مرّة. عشان الدايت. بس المرّة ديّة كانت مو مرّة... أكثر من مرّة. وحصّة قالت إنّه البنّ ده فعلاً مو عادي. وفي اللحظة ديّه حسّيت إنّي أعيش موقف سابق يتكرّر.
في يوم ميلادها الثالث… 9 أسرار تكشف للمرة الأولى عن الأميرة شارلوت
وحين قلت للبنات إيش أفكّر، ريّا قالت إنّه الإحساس ده مجرّد وهم وخيال. وطبعاً مو صحيح. أنا دوم أقرأ عن الحاجات ديه ومتأكّدة إنّه مو وهم ولا خيال.حصّة تهرّج وتقول: «ده تأثير البنّ. بسّ في جدّ الحاجات ديه دوم تحصل وضروري يكون لها تفسير علمي». في اللحظة ديه ما أريد أتكلّم. أريد أفكّر في الموضوع من غير كلام. بس ريّا تقول: «ما بيه تفسير علمي. أنا أقول ده مجرّد تعب وتشوّش أفكار». وعشان كده أترك أفكاري وأرجع لصديقاتي وأقول: «ريّا، صدّقيني مو وهم ولا خيال». وأحسّ إنّها ما تسمع إيش أقول. هيّ دوم كده، تعترض وما تحبّ تتّفق مع أيّ حد. حين كل الصديقات يتّفقون على حاجة هيّ تعترض. يعني، تدرين، الناس عندهم شخصيّات وطباع.
هاتفك الثمين… 5 خطوات أساسية لتحميه من الأعطال
أحسّ إنّها ما تسمع بس أقول: «قرأت عن الحاجة ديه في مواقع كثيرة. وبيه دراسة تقول إنه 70% من الناس في العالم عاشوا الحالة ديه مرّة في حياتهم على الأقلّ». أدري، صديقاتي يحبّون الأرقام والإحصائيّات. وحين يسمعون حدّ يتكلّم عنها ينسون كل حاجة ويركّزون تفكيرهم واهتمامهم على الكلام. عشان كده دوم أبتدي كلامي ويّاهم بالأرقام. حتى ريّا تسمع. وأستغلّ انتباههم وأقول: «يسمونها كمان سبق الرؤية. ريّا، هو مو وهم. بس العلم يقول إنّها حالة شرود للذاكرة. يعني هيّ تقدّم للمخّ مشاعر خاطئة. تخلّيه يعتقد إنّه الموقف الحالي تكرار لموقف سابق». وريّا تحسّ إنّها انتصرت وتقاطعني وتقول: «إيش؟ يعني وهم».
بعد قيادة المرأة… صيف حافل بالأحداث في السعودية
وأنا أقول: «مو وهم بالطريقة اللي تقصدينها. بيه تفسير ثاني يقول إنّه الحالة ديه ترتبط بالنظر. يعني بيه عين تسجّل الأحداث أسرع من العين الثانية. وبعد لحظات نعتقد إنه الحادثة اللي تحصل حصلت من قبل». وكمان ريّا تقاطعني والمرة ديه عندها حقّ وتقول: «بس الناس اللي يشوفون بعين واحدة ما يحسّون بسبق الرؤية؟». أحبّ ذكاءها بس ما تعجبني طريقتها. وفي اللحظة ديه حصّة تتكلّم وتقول: «وأنا دوم أشوف النقاش ده يتكرّر بين هيا وريّا. سبق رؤية أو إيش؟» ونشرب القهوة ونضحك.
DRAWING BY FASHION ILLUSTRATOR ©SHAMEKH BLUWI
