عبّرت الممثلة اللبنانية نادين نسيب نجيم عن غضبها من الأشخاص الذين يواصلون نشر التعليقات التي تطال مظهرها وخصوصاً شكل حنكها. ووجهت إلى هؤلاء رسالة شديدة اللهجة عبر حسابها على إنستغرام وكتبت تعليقاً على صورة لها حققت أكثر من 117 ألف إعجاب: «بعتقد بكفي حكيتوا كتير عن موضوع شكل وجي وأخدتوا راحتكم وانتقدتوا لشبعتوا.
اقرئي: شاهدي الصور الأولى لمولود سيرين عبد النور الجديد
صرلكم سنة بس مش معقول كل ما نزل صورة حلوة أو أيا شي بتتركوا كل شي وبتعلقوا على حنكي بالوقت يلي بتنفحطوا وبتجنوا بجمال الأجانب. وهيدي الصورة حطيتا ليش حلال على الأجانب وعليي أنا لاء! تتشوفوا عقدة البعض مني أنا تحديداً وكأني الأولى والأخيرة. هيدي أنا هيدا شكلي وكتار حاولوا يقلدوني بس بنفس الوقت بينتقدوني».
وأضافت: «هيدي مع الأسف نفسيات البعض. أنا متقبلة. بس خلص حكيتوا وأنا ما عم رد ولا رح غير شكلي كرمال حدا. هيك أنا مبسوطة ويلّي أجمل مني يعمل أحسن مني. ما زهقتوا نفس الحكي بتعيدوا صرلكم سنة والله أنا زهقت عنكم! وشو المقصود من كل هل حكي غيّر حالي؟ مستحيل! تأثروا على نجاحي على ثقتي بنفسي؟ مستحيل! تغيروا رأي العالم يلي بحبوني وبشوفوني حلوة بدكم تعملولن غسل دماغلكل إنسان بحبني وتحاولوا تشوهوا صورتي قدامن؟ مستحيل مستحيل. بدكم تجيبوا لايك وفولورز؟ إي ممكن، بس نصيحة ما شايفين إنّي ماشية بطريقي والمحبين والمعجبات كتار لوين بدكم توصلوا؟ ما شايفين غيري بكل الوطن العربي؟».
اقرئي: من تتحدى ألينا كاي في أغنيتها الجديدة؟
وتابعت نادين: «بعرف هيدي ضريبة النجاح. بس إذا أنا بنت بلدكم وهيك عم تعملوا فيي، شو خليتوا لغير عالم؟ هيدا جوابي للي عاملين حالن بيفهموا وعندن الصلاحية يحكموا على العالم وينتقدوا. والمفروض المشهور يسكت ويبلعها وما يحكي الحق! أنا إنسانة وعندي صوت متلكم بجاوب وقت يلي لازم جاوب. وهيدا جوابي إن شاء الله تحلوا عن حنكي وتركزوا بجمالكم يا حلوين إنتوا يا ملوك الجمال. والله يعطيكم على قد نيتكم وعلى قد ما ببتحبوني. صرعتونا. نادين نسيب نجيم».
