أمشي في شوارع ميلانو

أيوه ما قدرت أسمعك. إيش كنت تسألين؟ طبعاً كلّ حاجة كانت حلوة... أسبوع الموضة في ميلانو ما يحتاج لسؤال! كثير ألوان وقصّات غريبة وكلاسيكيّة وطويلة وقصيرة وألوان فاتحة وغامقة وسترات من غير أكمام أو بأكمام كاملة وسروايل واسعة وضيقة... حتى قصّات شعر العارضات بيها كثير ألوان وأشكال... تقولين المصمّمين يعيشون الربيع بكلّ خيالهم. يعني التناقض هو عنوان الموسم. أتكلّم مثل الخبراء صح؟ أقول الحاجة اللي حسّيت بيها وبس.

إقرئي أيضاً: اليوم الأول من عروض Fashion Forwardلربيع وصيف 2017 ، حاجبان مثاليان لموسم خريف وشتاء 2016-2017 ، لوجه دائري، هكذا تطبّقين الماكياج

ههه. دوم تخلّيني أضحك... لا، مو سخرية، بس كلّ حدّ فينا يقدر يتكلم عن حاجة وما يفهم يتكلم عن حاجات ثانية. أيوه، بيه، مو فولاردات وبس، كمان مناديل عشان تزيّنين بها رقبتك وإطلالتك وكلّ أشكال وأنواع القلادات والأساور والحلق.

 دحين؟ أنا في شارع «مونتينابوليون»، كلّه موضة في موضة. بيه أبنية قديمة حلوة وكثير محلات تجارية فخمة مرّة. زحمة شويّة بس أستمتع، أحسّ بالحيرة. الدليل اللي أقرأه دحين يقول إنه الشارع ده هو جزء من حي اسمه «كوادري لاتيري»...

وأريد أقولك حاجة. أمس سويت جولة وروّحت لغاليري «فيتوريو». كمان بيه هناك بوتيكات فخامة وروعة وكثير ماركات ومقاهي آخر شياكة، يعني تقولين إنها تلبس تصاميم من أسبوع الموضة. في عمري في حياتي ما شفت غاليري بالضخامة ديّة والعمارة الحلوة ديّة.

مو مثل قوس النصر في شانزيليزيه، بس كأنها قلعة قديمة. لااا، مو معقول ما زرتين ميلانو للحين! ألو... ألوووو... ما أريد أنسى أقول لك إنّي كمان روّحت قصر «سفورزا». كان بيه ناس كثير. عمارته تشبه العمارة العربية وفي داخله متاحف كثيرة وبيه واحد سوّونه عشان الآثار المصرية.

أكلت طبعاً حاجات جاهزة. يعني الدايت هنا خلاااص. ههه، بس المتعة تخليك تنسين الرجيم والأوزان. تحسين إنّك تعيشين في لوحة فنية رسمها ليوناردو دا فينشي. أوكي، وبعدين روّحت لمكان قريب هوّ حديقة «باركو سيمبيوني»... لحظة، وااااو الفستان ده حلو مرّة لو تشوفينه، يهبل. أريد أشتريه. مو معقول أرجع السعودية من دونه... إيش كنت أقول؟ أيوه روّحت الحديقة. هناك كل أهل المدينة يجتمعون، يسوون نزهات ويلعبون الكرة ويجلسون تحت الشمس... وحتّى نابوليون كان في يوم هنا. القوس اللي يسمونه «آركو ديلا باتشي» يقول كده.

دحين أريد أشتري الفستان وبعدين وجبة خفيفة في حيّ «نافيغلي». يقول الدليل إنّه هناك بيه مطاعم ومتاجر قديمة. ومو كده وبس بيه مجرى ميّة كبييير. أقدر أكلّمك في وقت ثاني؟ الفستاااان...

فستان من Dolce & Gabbana

حقيبة من Prada